Verkvík-Sandtak er staðsett að Rauðhellu 3 í Hafnarfirði.
Á verkstæði okkar þjónustum við við viðskiptavini okkar í ryðhreinsun og tæringarvörnum.
Á verkstæðinu eru:
Við sandblásum allt frá felgum til jarðbora. Ekkert starfandi fyrirtæki á landinu hefur jafn langa og mikla reynslu af sandblæstri eins og Verkvík-Sandtak. Á þeim áratugum sem við höfum starfað við sandblástur hefur orðið gríðarleg þróun í ryðhreinsun og tæringarvörnum.
Auk þess að reka öflugt og fullkomið verkstæði til sandblásturs, búum við einnig yfir færanlegum búnaði sem gerir okkur kleift að koma til viðskiptavina okkar á verkstað.
Verkstæði okkar er eitt öflugasta og fullkomnasta sandblástursverkstæði landsins. Auk sandblásturs bjóðum við upp á yfirborðsmeðhöndlun. Sandurinn er með mismunandi hörku og grófleika þannig að við getum fínblásið viðkvæma hluti og einnig ráðist í að rífa vel upp yfirborð á hörðu stáli, sem bestar viðloðun tæringarvarnarefna.
Ef verk bjóða ekki upp á sandblástur getum við ryðhreinsað með öflugum háþrýstiþvotti. Háþrýstiþvottur getur hentað hvort sem heldur við nýsmíði eða eldra stál, fyrir smástykki eða gríðarstór stálmannvirki, ofanjarðar, neðanjarðar eða undir vatni. Við bjóðum viðskiptavinum okkar lausnir sem endast.
Ekkert verkefni er okkur ofviða. Hvort sem um ræðir nýsmíði eða viðhald á eldra járni, smástykki eða tugir tonna af járni þá getum við meðhöndlað það á þann hátt sem þarf og uppfyllum alla staðla varðandi ryðhreinsun og tæringarvarnir.
Þegar sandblæstri og ryðhreinsun er lokið er aðeins hálft verkið unnið. Iðnaðarmálun er ekki síður mikilvægur þáttur í viðhaldi stáls.
Málningarkerfin sem notuð eru skipta miklu máli og við bjóðum viðskiptavinum okkar upp á bestu vörur sem völ er á hverju sinni. Við bjóðum upp á allar gerðir málningarkerfa sem uppfylla ströngustu gæðastaðla.
Við bjóðum upp á hágæða epoxy- og polyurethanefni hvort sem um er að ræða fyrsta grunn, tæringarvörn eða iðnaðarlakk.Íslensk mannvirki þurfa að þola óvægna veðráttu og bjóða náttúruöflunum birginn, það er lykilatriði að meta aðstæður hverju sinni og velja réttu efnin.
Sérstök málningarkerfi eru ætluð fyrir sjávarágang, þol við efnaálagi eða sterkt sólarljós. Það margborgar sig því að leita til sérfræðinga þegar velja á tæringarvörn sem á að standast tímans tönn.
Fyrir sandblásið stál er málmhúðun mjög öflug tæringarvörn. Algengast er að nota hefðbundin zinkböð en þegar umfang hluta vex umfram stærð þeirra býr Verkvík-Sandtak yfir fullkomnum tækjum til að sprauta málmhúð á yfirborð málma.
Algengast er að zink- eða álhúða málminn en við getum einnig boðið upp á fleiri lausnir.
Fjölbreytt verksvið, áratuga reynsla og sérþekking starfsmanna Verkvíkur-Sandtaks hefur skilað því að fyrirtæki á borð við Landsvirkjun, Landsnet, Míla, Rio Tinto Alcan, Orkuveita Reykjavíkur, Elkem, Norðurál, Vegagerðin, olíufélögin og helstu stálsmiðjur landsins eru meðal ánægðra viðskiptavina okkar og leita til okkar ár eftir ár.
